Мы – супраць тытуню!
Напярэдадні Дня адмовы ад курэння моладзь Чачэршчыны выйшла з акцыяй пратэсту супраць тытуню – актывісты з ліку членаў БРСМ і спецыяліст райЦГіЭ раздавалі прахожым лістоўкі-заклікі раз і назаўсёды адмовіцца ад гэтай шкоднай звычкі. Нехта ўсміхаўся, хтосьці жартаваў, але кожнаму, з кім давялося сутыкнуцца, яшчэ раз напомнілі пра тое, што нікацін не спрыяе здароўю і значна б’е па кішэні курыльшчыка і ўсёй яго сям’і. Зробім жыццё святлейшым! Дыхайце свежым паветрам!
