Наўздагон за калегамі з суседняга сельгаспрадпрыемства ірвануў вадзіцель ААТ «Звязда» Дзмітрый Коцікаў. Для яго сезон уборкі – не ўнавіну. Хлопец другі год паказвае станоўчыя вынікі працоўнага маршу і ўжо нямала назапасіў і перадаў на дзяржаўны рахунак каштоўнага бурштынавага багацця. На паліцах перадавога вопыту механізатара – чарговая тысячыа тон і, канешне ж, самыя пранікнёныя пажаданні здароўя, аптымізму і працаздольнасці ад раённага кіраўніцтва, прафсаюзнага і маладзёжнага лідараў краю, дырэктара сельгаспрадпрыемства Галіны Трыбунах і ідэолага Алены Серыкавай. Сімвалічна, што ўшанаванне героя жніва адбылося ў дзень яго нараджэння. Таму і падзячныя лісты, і сувеніры, і музычныя нумары прыйшліся дарэчы.